أهلاً, انا حسن زيود

جاي من خلفية متنوعة – درست الهندسة المدنية، وانخرطت بعمق في العمل الإنساني والمجتمعي كمتطوع بالبداية ومؤسس شريك بمؤسسة شغف التطوعية, مؤسسة عالمية بتشتغل على مشاريع مختلفة بعدة دول حول العالم.
 

أسست شركة مجتمعية (Social Business) بتفعل مشاريع ابداعية مجتمعية في بلادنا محلياً.

​

على مدار 8 سنين سافرت مئات السفرات, او بقدر اقول ما استقريت بمكان واحد, متجول في العالم, السفر المستمر ضمن العمل خلاني انكشف على اعمال ومجالات مختلفة, اكَون شبكة علاقات كبيرة, واتطلع على الامور من زاوية واسعة, 

بالسفر عشت تجارب كبيرة وتحديات غريبة! التجارب حولتني لانسان ما عنده Comfort Zone محددة, التأقلم مع كل الظروف وخلق الحلول للتحديات المستمرة صار هو منطقة راحتي.

​

هالرحلة المستمرة ولدت عندي شغف كبير تجاه التطوير, تطوير الاعمال بشكل عام (الشركات, المؤسسات, والمشاريع)

​

بالتالي شغفي مش برؤية المنتج النهائي، إنما بكل التفاصيل الصغيرة اللي بتبني هاذ المنتج او الخدمة – كيف بتتشكل الفكرة، كيف تتخطى التحديات، وكيف كل خطوة صغيرة هي جزء من نتيجة كبيرة.

وبشكل اوسع, الاشخاص خلف الاعمال, بآمن انه كل شركة, مؤسسة, او مشروع, هو انعكاس للاشخاص الي قائمين عليه.

عمل ناجح هو نتيجة لعقلية وفكر ومهارات الاشخاص خلف هاذ العمل.

​

والآن، ببني أول خطوات شركة الاستشارة وتطوير الأعمال الخاصة فيي

Wide Business House

من خلال Wide رح اوظف كل معرفتي والادوات الي اكتسبتها برحلتي المهنية والشخصية, بالاستشارة والمرافقة المهنية.

اذا بتحب نبدا رحلة تطوير عملك بعقلية جديدة ومختلفة, احجز جلسة الاستشارة.